Kisah Tabu Tabu Gumbang (Paseraja)

b) Tabu tabu gumbang (Paseraja).

la dung magodang si Tabu tabu gumbang, disuru boru ni Raja Sitempang ma ibana maniaga jomur. Disi jumonok manuk tu Jomur Pintor dipamate ma, jadi godang ma manuk dipusa ibana. Olat ni ndang disuru be ibana mangingani jomur.

Dung lam tang dagingna, disuru ma ibana marmahan pinahan. Di na marmahan i ibana, sai masiujian gogo do ibana dohot donganna angka parmahan i, jala sai monang do ibana.

Di na sada ari marpungu ma pitu halak donganna parmahan i mangalo ibana, didok nasida ma:

"Tole ma hita martada jala martaru, sude ma hami na pitu alom. la talu hami na pitu, di ho ma horbo na horbo na huparmahan hami i sude alai molo talu ho, ba di hami horbo na hami horbo na

pinamahanmi!"

Dioloi si Tabutabugumbang ma i. Saut ma nasida martada, talu ma alona na pitu halak i, jala mate

ma onom halak. Ianggo sada halak dipasombu do mangolu, asa adong siboan barita tu huta.

Dialai si Tabutabugumbang ma horbo ni na pitu halak i tu huta ni Raja Sitempang.

Marnida i, disungkun Raja Sitempang ma haroro ni horbo na godang i: jadi dipatorang ibana ma:

 "Hamonanganku do i martada maralohon parmahan ni Sagala dohot Limbong"

la dung songon i laho ma Raja Sitempang paboahon pangalaho ni hata i tu Tuan Nahodaraja.

 "Ianggo songon i do pardalanna pos ma rohanta; alai pardua hita ma horbo i," ninna Tuan Nahodaraja.

Jadi dipardua nasida ma tutu horbo i. Dung i ro ma halak Sagala dohot Limbong martinopot tu Raja

Sitempang, siala horbonasida na nialaan ni si Tabutabugumbang i.

Jadi didok raja Sitempang ma mangalusi na ro i:

 "Boaşa pola loja hamu, nanggo parmahan sisahalak i sungkun hamu; asa dipaboa

paralaan ni i tu hamu."

Dung disungkun nasida parmahan sisahalak i, dipatorang ma, siala hamonangan ni si Tabutabugumbang do i martarutaruan. Umbege i jut ma roha ni na ro i, ai ndang adong be dalan sidohononna mangido mulak horbo i.

Masa ma sahali gora bolon ni Sumba dohot Lontung na maringanan di Pintusona. Di tingki i marhoda ma si Tabutabugumbang tu parmahanan, dipatula ma pinarmahanna tu adaran i.

Dipasang ma hoda ni tulangna marsiajar mamantom. Dung sahat ibana ro di adaran i, dibuat ma pitu sanggar dohot pitu tolong, ditajomi ma i, jala dipagohon ma sanggar na pitu i.

Marsihundul ma ibana huthut manicp tolong na pitu nari. Dipantomhon ma tolong i di tingki maringkat hoda i ro di pitu hali, hona do ganup sanggar i.

Jadi didok rohana ma: "Aut dohot ahu hape martongtang tu parmusuan, jop do musu i mate bahenonku, ai gari sanggar na metmet

on, so adong na so hona hupantom".

la dung songon i dihabaranihon ibana ma laho tu partongtangan i, dihunduli ma hoda ni tulangna i, manamaknamak tu pudi ni musu i. Jadi dapotsa ma musu i dipantom ma dua halak laos mate.

 Digotap na rungkung ni na dua i mambuat uluna be jala ditompi ma i, ditabunihon ma tu sopo podomanna.

la dung diida musu i naung mate donganna dua halak maporus ma Nasida, laos dilele parangan ni Sumba ma nasida.

Di na man na maporus i musu i, adong ma Sian parangan ni Sumba na mambuat bangke ni

a dua halak i, na binunu ni si Tabutabugumbang.

 Diboan ma tu pangururan, patuduhon tu rajana Raja Sitempang dohot tu Tuan Nahodaraja.

Marsogotna i marharoan ma Raja Sitempang dohot Tuan Nahodaraja. Dipapungu nasida ma sude angka paranganna.

Dibuat nasida ma horbo mangkaroani hamonangan nasida i. Andorang di namangganuphon jambar i nasida, disungkun Raja Sitempang ma paranganna i manang ise do sibunu musu i; asa dijalo jambar upa pamunu.

Jadi dilehon ma i tu na mandok: "Ahu do sibunu musu i!"

Jadi dipajonok si Tabutabugumbang ma tu na manjalo jambar i, jala didok ma: "Ua lehon ma di ahu juhut upa pamununta i!"

"Barani do ho mangido juhut on? Ai gari tu sumangot ni daompung so hutonggohon dope: tulangman ma pangidoi," ninna baoa i.

Asa dung songon i, didok si Tabutabugumbang ma: "Ia hamu ale tulang lehononmu do jambarhu juhut haroan i?" Jadi di ambalhon tulangna i ma saotik juhut haroan i ti si Tabutabugumbang i huhut ma didok:

 "I ma jambarmu, laho ma ne ho marmahan! Aut ni ho nian sibunu musu i, gari borunami i lehonon do bahen upam!"

Umbege i didok si Tabutabugumbang ma: "Tutu do i tulang na nidokmu i, lehononmu sada borumi molo ahu sibunu musu i?"

"Olo, sandok lehononnami do sada boru dohot mas dope ro di ulos, molo ho do tutu sibunu musu i."

Dung i didok si Tabutabugumbang ma muse: "Nda ahu do tulang sibunu musu i, boasa ma tung barani baoa an manjalo jambar upa pamunu?"

Antong dia ma tandana paboaho sibunu musu i, ai baoa an do mangusung bangke i tu huta," ninna tulangna i.

"Molo songon i pangido ma tu baoa an ulu ni na binununa i, ianggo ahu dapot do patuduhononku tu hamu ulu ni musu i, paboa toho ahu mamunu."

Dung i dipangido tulangna i ma ulu ni naung mate i tu baoa siugsung bangke i, alai ndang adong lehononna; ai ala na jumpangsa do bangke na so marului.

Jadi dipangido ma muse tu si Tabutabugumbang, gabe dialap ma sian sopo podomanna i, dilehon ma tu tulangna i, jala didok ma:

"Bandion ma tulang doeansa ulu ni na hubunu i!"

Marnida i muruk ma Raja Sitempang dohot Tuan Nahodaraja tu baoa na manjalo juhut ondeng.

 Pintor disoro ma juhut i sian baoa i jala dilehon ma tu si Tabutabugumbang. la dung salpu na marharoan i, dipangido si Tabutabugumbang

ma pasauton ni tulangna bagabagana i tu ibana.

 Jadi dioloi tulangna i ma i, alai ninna ma: "Husungkun ma jolo paribanmi, manang ise do na olo di ho."

langgo boru ni tulangna i pitu halak do. Jadi disungkun ma jojor sian sihahaan ro di paonomhon, ndang adong na olo. Songon on do pandoknasida be:

"So tinanda manang ise ama dohot ina ni i, batung

olo ma hami di ibana?"

langgo siampudan songon on do alusna: "Ia naeng pasauton mu ahu tusi, oloi ma pangidoankon!"

Jadi didok amana i ma: "Ba denggan do, manang aha pangidoanmu oloanku do."

"la tusi talim tusi ma talingku, ia tusi ho martano disi ma dohot ahu martano," ninna boruna i.

Jadi saut ma boruna i tu si Tabutabugumbang i.

Asa dung saut diparhela Raja Sitempang si Tabutabugumbang i, sai dohot ma ibaha mamuhari Lontung, musu ni tulangna i.

Jadi lam maporus ma musuna i. Jadi dipajok si Tabu tabu gumbang ma hutana di parmonangan

Rianiate, mangambat musu i.

la anak ni si Tabutagumbang i, i ma si Paseraja, alai Malau do marga ni pinomparna.

Songon on do partording ni pinompar ni si Tabutabugumbang.